Wednesday, January 26, 2011

صامدون .. صامدون



صامدون .. صامدون .. صامدون

محدش يقول مفيش فايدة 


محدش يقول و آخرتها ايه 



حدد هدفك و اتجه له 



الهدف دلوقتي الشارع 



التواجد المكثف في الشارع هايعرف النظام المتعفن إننا خرجنا من القمقم ولا يمكن نرجع له تاني

اصمدوا


اصمدوا


اصمدوا


الشارع لنا


و مصر لنا


و خيرها لنا 


و محدش هايقلع جذورنا من الأرض دي


صامدون .. صامدون .. صامدون

3 comments:

Anonymous said...

صامدون لايه بالظبط
احنا نزلنا بمطالب عايزنها كلها اتحققت
لو فضلنا نازلين
حسنى هيتشال والمطالب كلها هتضيع
يعنى ضيعتوا دم اللى ماتوا دول هدر
ارجعوا للدستور واقروا المادة 84
لو حسنى مشى
ايا كان هيمسك بداله لحد ما تحصل انتخابات
ملوش الحق يعدل فى الدستوووور ولا يشيل حكومة
يعنى اللى هيمسكك حزب وطنى تانى
بس الفرق انك كمان معدلتيش الدستور


الراجل حقق كل المطالب و جبروته اتهد
وماشى ماشى
يبقى نستنى لما الدستور بتعدل وبعدين انزل اتظاهر وشيله وانت مطمن انك ساعتها هتختار اللى يحكمك

انما التظاهر من اجل التظاهر دا بجد غباااء
نزلتوا عشان يعرفوا انكو طلعتوا من القمقم و دا حصل
قلنا لا للتمديد قال مش همدد
لا للتوريق مش هورث
المرتبات زودها 20% بدون زيادة فى الاسعار على غير العادة
الحكومة شالها
مجلش الشعب هينظر فى الطعون
الدستور هيتعدل
حررررررررررررام بجد تضيعوا دا كله فى ثورة من اجل الثورة
حرام عليكوا دم اللى ماتوا
اتقوا الله

Reem said...

جميل
سيادتك جيت رديت عندي و حرمت قناعاتي و أفكاري

و ماقلتليش إنت مين ؟

كلامك ده سمعت منه كتير قوي الأيام اللي فاتت و رديت عليه و مازلت أملك الرد .. بس أنا مابردش على مجهولين

اللي محروق في كلمتين و هايز يقولهم يقولهم باسمه و اللي عايز يعبر عن رأيه يعبر بشخصيته الحقيقية مش يستخبى ورا اسم غير معرف

و كلامك و الرد عليك مرفوض لحد ما أعرف أنا بكلم مين أصلا

Anonymous said...

انا اكيد مش بكتب مجهول عشان خايفة من اسمى
انا لو قلتلك مثلا اسمى احمد هتقولى يعنى انى بكدب؟!!
انا اساسا بنت دا اولا
ثانيا لا اعرفك ولا تعرفينى
وكانت دى اول مرة ادخلك البلوج
بشوف الرأى والرأى الاخر و استفيد
حتى لو اللى كاتب معرفوش
فالمهم عندى انى اوصل اللى عندى للى فى حاجة ناقصة من عنده
ولو عنده رد يقنعنى طبعا اهلا و سهلا بيه
ان شاء الله يكون من غير اسم خالص
طبعا انا كاتبة بمجهول عشان انا معنديش اكونت على جوجل اساسا
وكمان لما بقول اسم بيقولى حطى url فمش عارفة اتعامل لحد ما اعمل الاكونت
ونسيت امضيلك تحت
زودى على الرد اللى فوق اميرة
مع ان البوستات متبينش انك عدوانية بالطريقة دى !