Tuesday, July 29, 2008

سكر أيامى



و جعل الله بك أيامى سكرا معقودا ...........

Monday, July 21, 2008

.... نظرة



انظر فى مرآتى الداخلية
انظر لأرانى
أنا لا أهتم بكل هذه التفصيلات التى تملأ الصورة
أنا لا أريد رؤية كل ما يراه الآخرون
أنا فقط أريد أن أرانى
لذا فأنا أنظر فى مرآتى الداخلية
أنظر
أطيل النظر
و أرتعب حين أرى الصورة ضبابا


Friday, July 11, 2008

لسه 90 ساعة


باقى من الزمن بس 90 ساعة
آه و الله 90 ساعة بس و اتنقل لبيتى الجديد و أقضى باقى عمرى مع إيهاب إن شاء الله
مجرد 90 ساعة بس المفروض أكمل فيهم فرش الشقة و و تجهيز متطلبات للبيت و شرا سجادة لأوضة المكتب و نزلتين للسوق و السوبر ماركت عشان أشترى حاجات للمطبخ و التلاجة
آه و كمان عايزة أعلق ستارة البكونة بعد ما آلاقى حد يركب لها الماسورة بتاعتها
و كمان نسيت تركيب عتبة للحمام و الأوض
كمان بفكر فى تركيب سلك لشباك المطبخ
و كمان نسيت إنى المفروض أكوى الستاير فبل ما تتعلق و أكوى هدومى قبل ما أرصها فى الدولاب
بس مش مشكلة لسه عندى وقت أصل فاضل بس 90 ساعة
طبعا خلال الـ 90 ساعة دول المفروض إنى أجهز نفسى عشان يبقى شكلى عروسة مش مجرد أم عبده الشغالة اللى بقيت شبهها خالص
بس مش أزمة أصل لسه باقى 90 ساعة و الستاير و سجادة أوضة المكتب و مكوة الهدوم و مسح الشقة و فرشها و تعليق المطبخ و المطبقية و التابلوهات و مشتريات التلاجة و توصيل الغسالة بوصلات صرف الميه و عميلة تحويلى من أم سيد الشغالة لعروسة
و قادر يا كريم
يا رب
بارك فى الـ 90 ساعة و قوينى