Sunday, November 2, 2008

كلا .. لن أفكر

يتدفق عبير الياسمين فى الهواء من حولى فيأخذنى بعيدا
تنتظم أنفاسى
أصبح أكثر هدوءا
أصر على تجاوز الليلة الماضية بكل ما مر فيها
أصر على أن أنسى كوابيسى التى تسلبنى المنام
كلا .. لن أفكر فى ممرات مظلمة تملأها بقايا من أحب و على أن أجتازها
كلا .. لن أفكر فى برد و ظلام و أمطار يرتجف جسدى من وطأة تكالبهم عليه
كلا .. لن أفكر فى نصال تلتمع فى يدى و رايات ملونة تصر على خنقى و جذبى للممرات
كلا .. لن أفكر فى وجوه غريبة تحيط بى و تدفعنى لأن أصرخ جنونا و رعبا
لن أفكر
لن أفكر
لن أفكر
لن أدع أفكارى تقودنى لجنون أشعر به قادما لا محالة
لن أنتظره
سأقاومه
سأفكر فى كل من أحب
سأفكر فى كل ما أحب
سأفكر فى رجل أعطى كل ما يملك لينير طريقى
سأفكر فى شمس مازالت تشرق على الكون كله
سأفكر فى سموات إتساعها بإتساع روحى
سأفكر فى صحراء لا تحد
لن أفكر فى ممرات أو برد أو ظلام و مطر
لن أفكر فى خوف يتملكنى .. يشل حركتى و يمنع عن صدرى ذرات الهواء
لن أفكر
سأعيش
و الله معينى

11 comments:

أحمد جمال said...

المشكلة يا ريم إن تفكيرنا أو عدمه لن يغير لحظة من أي حقيقة موجودة ..

lyssandra said...

مالك يا ريم ؟؟

يارب يكون خير

وحشتيني أوي أوي

ولما آجي أشوفك ألاقيكي عندك كابوس ؟


ربنا يعينك حبيبتي

ياريت تبقي تطمنيي عليكي

وياريت المرة الجايه ألاقيكي في حلم وردي وينتهي أي كابوس

---------

دمتِ مطمئنة


Lyssandra

Reem said...

أحمد

متشكرة على الاحباط

الكوابيس اللى بتزور منامى فعلا حقيقة موجودة فى حياتى بشكل مكثف من طفولتى بس اليومين دول زادت قوى و بحاول أخرج من الامر
بتعامل مع الأمر بعقلى و أتمنى إنه مايخزلنيش

فبلاش تحبطنى بقى . ممكن ؟

Reem said...

ليسى

خير إن شاء الله يا ليسى

إنتى كمان وحشتيتى و الحمد لله إن النت رجع ورجعك لينا

بلاش تغيبى تانى بقى

و إن شاء الله هاتنتهى كل الكوابيس

فـــر يـــــدة said...

أول مرور لى هنا ..أسجل إعجابى بدفء مدونتك .

ندف الثلج المتساقط مع الخلفية الداكنة
بالفعل مميزة

خواطرك إجمالا جميلة ، وتلك بالذات قريبة جدا منى

تقبلى تحياتى سيدتى

Reem said...

فريدة

أنا بالفعل وصلت مدونتك منذ فترة و أتابعها و أسعد جدا بما تكتبين

سعيدة جدا لأن ما أكتب راق لك

و بالطبع أقبل تحياتك و أتمنى أن تقبلى صداقتى

الـجـدة فـصـيـحـة said...

السلام عليكم ورحمة الله وبركاته

كما أن العلم بالتعلم والصبر بالتصبر
فاعتقد أن التخلص من كوابيسك ببعض المقاومة لتخلص من التفكير فيها بإذن الله تتخلصين منها قريبا

واسأل الله الرحيم الكريمأن يرزقك نوم هادئ مطمئن بعيدا عن الكوابيس أو اي شيء يفسد عليكِ نومك

أعانك الله

دمتِ في رعاية الله

Om HAGAR said...

يااااااااااااااه يا ريم ايه كل لحزن دا و الكوابيس دي

أقول لك على حل يمكن يقلل من الكوابيس دي و يمكن ينهيها

أجلي صلاة العشاء قبل ما تنامي على طول فتنامي و آخر حاجة عملتيها هي الوقوف بين يدي الله عز و جل و تكوني متوضية

و انتي في سريرك اقرأي أي جزء من القرآن و لو آيتين و نامي على جنبك اليمين و اتلي آية الكرسي فهي تحفظ من الكوابيس و تبعد الشياطين عند النوم و ادعي ربنا يبعد عنك الهم و الكوابيس

بس لو بعد ما داومتي على الحاجات دي فترة ما اختفتش الكوابيس يبقى لازم تستشيري طبيب نفسي

و ربنا معاكي يا حبيبتي و نسمع عنك كل خير إن شاء الله

Reem said...

جدتى فصيحة

الحمد لله .. أتا الآن فى حالة هادئة مستقرة

اشكرك كثبرا على دعواتك

و ادعو الله معك ان تتحقق

Reem said...

أحلام

أشكرك كثيرا على رأيك

و بالطبع المرض النفسى ليس سبة أو عار ، و لكنى الآن تعافيت

الحمد لله

Reem said...

أم هاجر

أنا الحمد لله و بفضله بقيت أحسن دلوقتى

بس طمنينى على القمر الصغير

يا رب تكون بخير و تملا قلبك و بيتك على طول بالسعادة

ربنا يبارك لك فيها