Saturday, October 25, 2008

تشرين .. و تذكر ما لا يجب تذكره


أنام فى غير مواعيد النوم
أستيقظ فى غير مواعيد الإستيقاظ
أفتح شرفات بيتى و أنتظر نسمة هواء باردة أو زخة مطر
يقولون أنها أمطرت اليوم ، فأين كنت ؟
أكنت أهرب من يومى بالنوم ؟
أين كنت ؟
لأين كان يهرب عقلى ؟
ما عدت أعرف
ما عدت أستطيع أن أفرق بين النوم الهادئ و النوم بأحلام دموية صاخبة
ما عدت أستطيع أن أفرق بين الواقع و الخيالات
تتداخل أشباح يومى مع شخوص أحلامى لأعيش واقعا غريبا مليئا بالمتناقضات
يتداخل وعيى مع حالة إكتئاب حادة لا أعرف لها سببا
و أقول عله المطر
علها رمادية السماء
عله هواء مشحون بتذكر ما لا أريد تذكره
عله أكتوبر
عله تشرين الحزين
عله يوم مولدى
***
فاليوم يوم مولدى
***
........... و
***
أنا نقطة ماء حائرة
* بقيت فى دفتر تشرين
المقطع للشاعر / نزار قبانى









12 comments:

fatma said...

صباح الخير على أجمل عيون
صباح مليئ فقط بالحب ....الاكتئاب ليس له مكان بحياة اميرة الأميرات
أوعي تكتئبي انا بابقى فرحانة وانتي مستقرة وفرحانة - كل سنه وانتي اسعد واحن واجمل عروسة وزوجة وام باعتبار ما سيكون ان شاء الله وساعتها لو الاكتئاب اللي عندك هو اكتئاب الحمل مش مشكلة - مرحبا به-
باحبك وخللي بالك على نفسك

Om HAGAR said...

كل سنة و انتي طيبة يا حتة سكرة بس ليه الزعل دا كله في يوم عيد ميلادك؟

عاشقة القاهرة said...

اول أبدأها بأعتذار عشان راحت عليا متفهميش غلط......
انا أقصد أنى ملحقتش أقولك كل سنة وانتى طيبة وعيد ميلاد سعيد وأنا أنشاء الله مطمنة أنة سعيد عشان وجود ايهاب جنبك يلا بقى مين قدك
على فكرة دة لا نق ولا حسد أنا بس ببقى مبسوطة لما أعرف أنك مبسوطة وعقبال 100000000000000000 سنة

sherif gharib said...

هىة فقط المتناقدات يا حائره متناقدات تطارد الاحلام تطارد الاعيب السماء تطارد لا وعى قائم و نابض بحياه ملتفه و م لتويه فى جميع معاييرها
نرى احيانا المطر خيرا و رغذا و نراه احيانا اخرى ازدحام و سكون
نشعر بدفىء السكون و نتلطم بين ازدحام الاقدار و المعانى
ترددات مختلفه تطار اشباح فى داخلا كل نفس بشريه
حالات من معايشه اضراب نفسى نطلق عليه نحن البشر
حاله اكتاب و هى ليست بذلك انها فقط حاله من انعدام التوازن
اتخذيها فقط نقطه انطلاق لانها فى الغالب مجرد حاله بدون مسميات بشريه
تحياتى

Anonymous said...

أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة حتى 8 نوفمبر
شكرا لتعاونك
lobnabona@yahoo.com

hanan said...

كل سنة و انتى طيبة يا احلى و ارق هبه
و بعدين يا هبهه انا مش قلتلك قبل كده بلاش انتى و ايهاب تتكلموا على الملأ كده هتتحسدوا يا بنتى زى ما بيقولك
ايه اللى انتو عاملينه فالبوست اللى فات ده و طبعا اى حد هيتحرج يكتب اى كومنت اصلا معاكم و يقتحم الخلوة الحنونة دى
عشان خاطرى يا هبه بلييييييز
بلاش تجيبى لنفسك القلق و احتفظى بسعادتك بعيد عن عيون كل البشر
كل سنة و انتى بالف صحة و خير و سعادة
و ايهابب يفضل سكنك الدافى و خضنك الكبيييييير
طول العمر
دمت لها يا ايهاب
ودامت لك : انشودة فرحة فى عالمك

Reem said...

فاطمة

ربنا يخليكى لي

مش لما أخلص من إكتئابى العادى أبقى أفكر فى إكتئاب الحمل

خدى بالك إنتى على نفسك و على جعفر و مش تقلقى على

هاكون كويسة بإذن الله

Reem said...

أم هاجر

الأول أخبار أمورتى الصغيرة إيه ؟
يا رب تكون بخير

ثانيا و إنتى طيبة يا أم القمر

الحمد لله بقيت دلوقتى أحسن و ربنا مايجيبش زعل تانى

Reem said...

مروة

مفيش بينا أى فهم غلط

دى عشرة 13 سنة

بطلى دلع

أنا فاهماكى أكتر ما إنتى فاهمة نفسك

آه

و إنتى طيبة

Reem said...

شريف الغريب

متشكرة يا شريف قوى على محاولاتك لتفسير متناقضات حياتى

تحياتى

Reem said...

أستاذة لبنى

يجرى التواصل عبر الميل

و شكرا لإختيارك مدونتى للمشاركة فى بحثك

و بالتوفيق إن شاء الله

Reem said...

نانو

كنتى فين يا شريرة ؟

و إيه الغياب ده كله ؟

و الله يا نانو شكلنا محسودين فعلا ، كل يوم حاجة فى البيت تقع و تتكسر ده غير حالتى النفسية السيئة بشكل غير مبرر

المهم

و إنتى طيبة يا نانو

و ربنا يخليكى لى و يبارك لى فيكى