Thursday, October 23, 2008

و كان زمان


كان فى زمان بنوته خيل شعرها جامح

كان فى زمان بنوته و خطفها الزمن الجارح

و جريت و جريت و بأعلى صوتى ناديت

و جريت و جريت لفيت كتير ما لقيت

و خلاص و خلاص ما بقيتش زى زمانى

و خلاص و خلاص اتغير ليه عنوانى

طفلة و كانت قادرة تغنى

قادرة تحب

و قادرة تقول

تفرح لما يدق الباب

لما السكة تجيب أصحاب

طفلة و كانت عايزة تصدق إن البحر ماهوش بيغرق

هربت منى و راحت فين

أنا مش هى بقالى سنين

كان فى زمان بنوته بديل حصان مجنون

عيونها نفس عيونى

بتكون مكان ما بكون

و جريت و جريت و بأعلى صوتى ناديت

و جريت و جريت لفيت كتير ما لقيت

و خلاص و خلاص ما بقيتش زى زمانى

و خلاص و خلاص إتغير ليه عنوانى

طفلة و كانت قادرة تغنى قادرة تحب و قادرة تقول

تفرح لما يدق الباب

لما السكة تجيب أصحاب

طفلة و كانت عايزة تصدق إن البحر ماهوش بيغرق

هربت منى و راحت فين أنا مش هى بقالى سنين
***

أغنية / و كان زمان
غناء / سيمون
من ألبوم / فى حاجة كده
كلمات / كوثر مصطفى


2 comments:

Ihab Omar said...

بعد شوية عيد ميلادك
بصراحة يا هبه انا بقيت بخاف ن الحسد قوي
و بقيت مش بحب اكتب عن اللي جوايا او حياتنا ع الملأ بالشكل المريح بتاع زمان
بس صدقيني مش قادر امنع نفسي
يا هبه
يا احلي هبه
يا اجمل هبه
يا اسم علي مسمي
و اجمل مسمي
هبه و انتي هبه من الله
كل سنة و كل لحظة و كل ثانية و انتي قطة و امورة و جميلة و مفيش في رقتك ابدا
انا محظوظ بيكي جدا جدا .. بسأل نفسي انا عملت ايه خير في عمري عشان استاهل الانسانية الطيبة دي
انا من غيرك كان زماني ضايع .. رحت .. وقعت من كل الحسابات
النهادرة بوجودك في حياتي انا بطل اي حسبة افكر اكون جزء منها
بحبك كما لم يحب اي احد من قبل
انا مستعد بكل ثقة اني اتنازل عن حياتي مقابل لحظة سعادة في حياتك
بحبك

Reem said...

إيهاب

أنا أيضا وجدت نفسى فى بيتك

فى حضنك

بقرب دقات قلبك

أنا أيضا عرفت معنى أن أعيش و بوجودى تسعد أنت

و بوجودك أسعد أنا

حبيبى


دمت لى حتى نهاية العمر