Monday, September 1, 2008

رمضان كريم




كل سنة و كل الناس بخير و بسعادة
ده الفانوس اللى ليساندرا أهدته لى بمناسبة شهر رمضان

متشكرة قوى يا ليساندرا و يا رب ينور كل أيامك زى ما هديتك نورت مدونتى كده

***

النهاردة حاسة بحاجة مختلفة قوى عن كل سنة
حاسة إن رمضان فى بيتى مختلف عن رمضان فى بيت بابا
حاسة إن رمضان مع إيهاب مختلف عن رمضان مع إخواتى
أصريت أنا و إيهاب إننا نفطر فى بيتنا النهاردة ، رفضنا كل العزومات اللى جات لنا
حبيت أحضر لإيهاب الفطار النهاردة فى بيتنا .. فطار أول يوم لأول رمضان نقضيه مع بعض
فرحانة قوى و مبسوطة قوى
و الأهم مستريحة قوى
الحمد لله
***
ربنا رزقنى بملاك كريم أقضى معاه باقى حياتى
يا رب
يا رب .. بحق اليوم الكريم ده .. من الشهر الكريم ده
يا رب بحق جلالك و كرم و نعمك
يا رب .. ديم نعمة البيت الهادى و الحب الطاهر على و على زوجى
يا رب يا أكرم الأكرمين .. يا أرحم الأرحمين
بارك فى بيتنا
بارك فى أولادنا
بارك فى عيلتنا
بارك فى حبنا العمر كله
***
اللهم لك الحمد كما ينبغى لجلال وجهك و لعظيم سلطانك

4 comments:

lyssandra said...

رمضان كريم عليكي وعلي إيهاب يا ريم

ربنا يديم عليكم الفرح والخير والسعادة والسكينة يارب


مبسوطة انك فرحتي بالفانوس
عقبال يارب ما أهديه لأولادكم يارب

ويكون أول فانوس بتاعي


عاوزة أقول كلام كتير أوي
بس هاختصره بإني فرحانة بيكم وليكم أوي


Lyssandra

Anonymous said...

كل سنه وأنتى طيبه .... ويبقى فطار جميل لإيهاب ...... ورمضان الجاى يبقى معاكوا واحد كمان يفطر معاكوا .... أكيد هتسموه أحمد .... ورمضان كريم

Anonymous said...

هوا أنا إسمى ليه مظهرش فى الرد اللى فوق


عموما أنا أحمد (ن_1) ... يلا سلام

Ihab Omar said...

رمضان كريم يا انا
متصوريش سعادتي اد ايه لما فطرنا مع بعض اول يوم في الشهر الكريم
حياة تانية و عمر تانية بشوفهم كل يوم علي ايدك
ربنا يخليكي ليا