Thursday, August 14, 2008

... أنا و أنت



.. زنبقتان فى الثلوج
جمرتان فى الرماد
و نورسان يحلمان بالخليج
أنا و أنت يا حبيبى


***


صلاح عبد الصبور



9 comments:

Ihab Omar said...

اخط تلك السطور الان , بينما دقات قلبي تعلن تمام الشهر الاول من زواجنا , و يعلن القدر مرور الشهر الاول من عمري
حقيقة .. و في صغري كنت اري ان كل شئ قابل للترجمة الي احرف و كلمات , و لكن .. مثل كل شئء في حياتي , تغيرت وجهة نظري عقب اقتران عمري بنور عينيك .. فأيقنت ان هنالك مشاعر و احاسيس في الدنيا لا يمكن ابداان تترجم الي كلمات .. انما العطاء يقابله عطاء .. و فيض المشاعر لا ياقبله الا بمثله
و اتمني ان اكون قد رددت بالمثل
إيهاب

Zanooba (Zeinab sab9n) said...

بجد يا ريم ماشاء الله أنا عمري ما قريت لحد بيعبر بأقل عدد من الكلمات عن معاني كبيرة أوي كده ..و ربنا يخليكو لبهض يا رب
و رمضان كريم

Zanooba (Zeinab sab9n) said...

ريم ليكي عندي هدية تعالي خديها :) دوختيني عليكي

lyssandra said...

ريم عزيزتي

معجبة بمدونتك للغاية

وأسعدني جدا إضافتك لمدونتي كمفضله

كانت مفاجأة لذيذه بجد

---------

لي في مدونتك جولات ان شاء الله

تحياتي حبيبتي

لكن لي تعقيب صغير

الإسم ليساندرا

معلش دي مش أول مرة حد يعتقد حرف اللام ..آي ..

بس طبعا مش مشكله حبيبتي

-----------

علي فكرة سعدت جدا بردك علي تعليقي

ربنا يبارك لكم دايما

وانا بقرأ البوست اللي علقت عليه
حسيت بشئ خفي يقول لي أنه يجب أن تكون الأمور أعمق من ذلك

سعدت بزواجكم جدا
ربنا يبارك لكم

Lyssandra

Reem said...

إيهاب

حبيبى
أشكرك على شهر أغلى عندى من كل ما مر من عمرى

حبيبى

أشكرك ـ مقدما ـ على القادم من أيام عمرى بين يديك

حبيبى

دمت لى حتى نهاية العمر

Reem said...

زينب

كل سنة و إنتى طيبة بمناسبة رمضان و يا رب تكونى مبسوطة بيه فى مصر

ـ عرفت من مدونتك إنك كنتى عايشة بره مصر ـ

كلماتك الرقيقة دى ما تعرفيش أسعدتنى قد إيه

متشكرة قوى

و يا رب يرزقك بحب عمرك و تعيشى معاه و تسعدى بيهو ماتعرفيش الألم أبدا

***

متشكرة طبعا على التاج

إنتى مش متخيلة أنا بحب التاجات قد إيه

أنا دلوقتى بكتب الرد و تقريه قريب و يا رب يعجبك إن شاء الله

Reem said...

ليســـــــــــاندرا


على فكرة أنا و الله سعيدة جدا بمرورك و بردك الأول لأنه عرفنى على مدونتك اللى بعتبرها من أفضل المدونات اللى قريت الكتابات اللى فيها

فعلا كتاباتك جميلة جدا و شفافة و رقيقة قوى

***

آسفة جدا

حقيقى آسفة على موضوع لخبطة الحروف ده بس صدقينى أنا طبعا ماكنتش أقصد

***

متشكرة قوى

هو فعلا الحوار حميمى جدا و مش كان من المفروض يتنشر بس أنا صريحة جدا مع نفسى و وقتها حسيت إن اللى إيهاب عرفه عنى فى حوار خاص مش شئ مشين أو وحش عشان مش يتنشر فى مكان عام فقررت أنشره

و طبعا زى ما
أخدتى بالك من طبيعة الحوار ، هو أشبه بالحوارات الصحفية المرتبة بس و الله كان تلقائى جدا و بدون تحضير

و الحمد لله

كانت صراحة ردودى على إيهاب فيه مقدمه كويسة لأنه يعرفنى أكتر و أرتبط للأبد بحب عمرى و رجل حياتى

***

ربنا يوفقك فى حياتك كلها و يرزقك إنتى كمان بحب عمرك و رجل حياتك

قولى آمين

lyssandra said...

أقول آمين .. ما أقولش ليه ؟؟

هههههههههههههههه


------------------------

أنا جاية أقولك كل سنة وانتي طيبة ورمضان كريم

ابقي عدي علي المدونة في فوانيس كتير أوي

كل سنة وانتم طيبين
إنتي وإيهاب


تحياتي حبيبتي
دمتِ غالية

Lyssandra

Reem said...

و إنتى طيبة يا ليساندرا


و متشكرة على هديتك الغالية

يا رب أعرف أردها