Tuesday, May 13, 2008

حاجات بتسعدنى


لما بكون متضايقة بحب أفكر فى الحاجات اللى بتسعدنى
بحب أستحضرها فى خيالى و أضغط بيها على مسببات ألمى فيروح الألم و أحس بالدنيا رجعت تنور تانى
و ده جزء من الحاجات اللى بتسعدنى
ـ أنزل البحر
ـ أقرا فى مدونتى
ـ أشوف فيلم حلو فى السينما
ـ أقضى يوم كامل فى البيت وحدى
ـ أقرا فى جو هادى
ـ أسمع أغنية جديدة لمحمد منير
ـ أشترى بالونات و لعب
ـ أقشر مانجايه كبيرة و أقطعها صوابع و آكلها بالشوكة
ـ أشترى تورتاية كبيرة بالفواكه
ـ أنزل ألف على المحلات و أشترى حاجات للبيت من السوبر ماركت
ـ أسمع أغانى أطفال و أنا واقفة بشتغل فى المطبخ
ـ أتفرج على قيلم كارتون و بالذات لو لواحدة من أميرات ديزنى و يا سلام على السعادة بقى لو كان ده فيلم عروسة البحر
لما بعمل حاجة واحدة بس من الحاجات دى بحس إنى بطير من الفرحة و برجع تانى زى الأطفال الصغيرين لو عملت أكتر من حاجة منهم مع بعض

8 comments:

hanan said...

يا رب تعيشى دايما لحظات بتسعدك
و تعملى كل شىء بيسعدك
و الف مبروك على الحرية
و انك سبتى شغلك اللى كان بيقمع كل احساس حلو جواكى
و الصورة الى قلتلك عليها فى اللينك ده
http://hanankhorshid.blogspot.com/2008/05/blog-post_13.html
ربنا يكملك على خير يارب

Ihab the 2nd said...

ربنا يقدرني و اقدر اوفر و احافظ دائما علي الحاجات الحلوة دي في حياتك , عشان تفضل اجمل ابتسامة مشرقة رأيتها في حياتي تنير وجهك
آمين يا رب

إبـراهيم ... معـايــا said...

ربنا يسعدك داااايمًا يا ريم
.
.
إنتي وهوبااا الجميــل ده

Reem said...

نانو

متشكرة قوى يا حنان

و يا رب انتى كمان توصلى لكل اللى ممكن يسعدك فى حياتك

على فكرة

الصورة فعلا جميلة ، متشكرة قوى عليها

***

إيهاب

أنا عمرى ما عرفت السعادة غير لما عرفتك

إنت كل الحاجات اللى فاتت دى مع بعضها

ربنا يقدرنى و اسعدك و يبارك لى فيك لآخر العمر

***

إبراهيم


متشكرة قوى يا إبراهيم

و يا رب تلاقى سعادك إنت كمان

زهره حبيسه said...

هبة العزيزة

ربنا يسعدك يا بنتى كمان وكمان
انتى قريبة جدا من نفسيتى على فكرة..


زهره

Reem said...

زهرة


متشكرة قوى يا زهرة

و الله إنتى كمان يا زهرة قريبة منى و أتمنى أعرفك أكتر

حاولى تمررى لى ميلك أو تضيفينى عندك و أنا واثقة إننا هانبقى أصحاب جدا

بنوتة مصرية said...

كويس انك تلاقى حاجات تسعدك
يارب يسعدك دايما

Reem said...

متشكرة قوى يا بنوتة

و حزينة جدا على مدوناتك اللى فقدتيها

بس تتعوض إن شاء الله