Sunday, May 4, 2008

... ألبوم صورى


ده ألبوم الصور اللى قررت أستلفه من عليا
ببساطة دى صور حالتى المزاجية اليومين دول
***
الحالة الإجتماعية
عروسة و لسه بالطرحة كمان
بحب الدنيا و بحب حبيبى و هاخده و نهرب من الدنيا دى كلها لحضن بيتنا



الحالة المزاجية
متوهجة
شديدة الرقة و الأنوثة و متألقة بالحياة
الحمد لله و الفضل لحبيبى



المطربة المفضلة
الست فيروز
صوت قلبى



الفيلم المفضل
الباب المفتوح
الفيلم اللى شكل رؤيتى للحياة

حيوان بربيه
القطط
دى مش صورة قطتى
بس هى تشبه كوكو قطتى جدا و كمان كنت بدخلها جيبى بنفس الشكل




مكان الإقامة
حضن إيهاب
بيتى و وطنى و إنتمائى



مقر العمل
فى المطبخ .. فى البيت
بس عشان حبيبى يكون راضى و مستريح فى حياته






كيف أصف شكلى ؟
بنوتة صغيرة .. رقيقة .. طايرة من الفرح بكل يوم من أيام عمرها








عملت إيه امبارح ؟


حاولت أعمل حاجة تسعد إيهاب فى نفس الوقت اللى هو كان بيعمل حاجة يسعدنى بيها




هاعمل إيه النهاردة ؟
هالعب
هاغنى
هاطير











إسمى
هبــــــــــــه
و خلاص مش بقيت بستخبى ورا أقنعة أو أسماء مستعارة



الحلوى المفضلة ؟
الفراولة بالسكر و الكريمة






********************
و متشكرة قوى يا عليا على ألبوم الصور
ربنا يخلى حياتك كلها سكر

5 comments:

أسير الجراح said...

البوست جميل جدا
واجمل ما فية البوم الصور اللى اكتر من رائع تقبلى تحياتى



اسير الجراح

ست المرتفعات said...

ايه يابت الصور الحلوة دى
انت كدا غيرتينى وهروح اشيل التاج بتاعى
شكلة وحش قوى جنب بتاعك

الهى يجعلك فى كل خطوة شوال سكر
أنت عارفة السكر بقى بكام دلوقت

:)

hanan said...

ايه ده
هو حصل
يا خبر و الله ما أعرف بجد
الف مبروك يا هبوش
ربنا يكملك على خير يا رب
و تفضل ايامك كلها سعادة و سكر
بس انا مش فاهمة معنى لسة بالطرحة و هخده و نهرب
لما كتبتى البوست كنتم اتجوزتو و لا لسة
الفرح كان لمتى يا هبوش
عموما الف ألف مبروك مرة تانية
و يارب الجواز
وحبيب العمر
مياخدكيش مننا و من مدونتك
و على الفكرةالصور كلها حلوة
و خاصة صورة الحضن
انتى عارفة ان دى صورتى المفضلة
الى على تليفونى و الكمبيوتر بتاعى دايما
و على فكرة فى صورة هتعجبك قوى
زيها
و بنفس الدفئ بس مش معايا الميل بتاعك عشان ابعتهالك للاسف
مش عارفة بس هنزلها فى البلوج بتاعتى و ابقى اقولك عليها
يا رب يفضل حضنه سكنك العمر كله
و تبيضى وشنا فموضوع المطبخ ده
ربنا معاك يا ايهاب بس كفاية انه من ايد هبة
ربنا يدوم سعادتك و ممتفارقش الضحكة وشك
هـــابى هــــونى مـون
:)

Ihab the 2nd said...

كان نفسي اكون اول واحد رد هنا
بس جمال كلامك في حقي يا هبه الجمني
و خلاني مش عارف ارد
ربنا يخليكي ليا يا هبه
انتي سكني و بيتي و عيلتي
انت اختي و مراتي و امي و صديقتي و حبيبتي و خطيبتي و زميلتي و بنتي
انت كل شئ
انا من غيرك ولا حاجة
و معاكي بقيت كل حاجة انا عايزها
البوست تحفة
انا من ساعة ما شفته و انا قلت لك انه تحفة بحد
مش عارف ارد
الرد هيبقي في الملعب
عاليا قالت اللي عايز يجاب يجاوب و انا من متابعي مدونة ويزرنجات و بالتالي - و من موقعي هذا اقول - من حقي اني اجاوب
هيكون في مدونتي التانية
ihabomar.blogspot.com
و بالنسبة لــ حنان
ميرسي جدا لدعوتك و ذوقك , الفرح باذن الله تعالي هيكون في شهر سبعة
و بالنسبة للمطبخ بسم الله ما شاء الله هبه بتطبخ حلو قوي
و باقي الكلام اسيب صاحبة المكان ترد عليه
و شكرا

Reem said...

أسير الجراح

متشكرة قوى على رأيك

***
لولا

مش تقولى كده

لما إنتى عايزة تشيلى البوست بتاعك و بتقولى عليه مش عاجبك ، أمال أنا غرت من مين

بطلى دلع

***

نانو


لسه يا نانو

بس قريب

و إن شاء اللة هارفع راس كل بنات مصر بخصوص شغل البيت و وقفة المطبخ

مش تقلقى

***

إيهاب


أشكرك على كل حاجة

أكتر من بشكرك