Monday, December 31, 2007

Merry Christmas


Tuesday, December 25, 2007

حنين

هذه الأيام أعانى حالة حنين مذهلة لماضى عمرى
أحن إلى أيام دراستى الجامعية و إلى ملابسى السوداء الأنيقة
أحن إلى شعرى مفرود يجوب الشوارع كموجات من بحر أسود
أحن إلى زخات من مطر أرقص تحته فى شوارع القاهرة
أحن إلى شراء الكتب و حملها ربما يعوضنى هذا عن سخافات البشر المحيطين بى فى كل مكان
***
أحن إلى شئ ما و لكنى ـ حقا ـ لا أعرف ما هو
***
فقط حنين

فيروز و أنا و العصر الحجرى

تنساب موجات اللؤلؤ الفيروزى فى سماء الحجرة
و تدور بى السماء و الأرض عندما تعلن له السيدة الجميلة أنه بعده على بالها
أغمض عيناى و أذهب إلى المكان الذى ينبع منه صوت فيروز و تتبدل فيه الأقمار و تتدافع موجات النجوم
أذهب إلى حيث يمتزج أزرق البحر و أزرق السماء فلا أعرف المبتدى من المنتهى
و فجأة أفيق على صوت صراخ قادم من المكتب الذى بجوارى : اطفى الست اللى بتصوت دى لحسن تعبت و صدعت منها بقى ، هو انتى معندكيش أغانى لسمية ؟
و أتسائل بجهلى المعهود بكل مفردات العصر الحديث :هو فى حد بيغنى اسمه سمية ؟
فتجينى : آه .. اللى بتغنى قلب و راح ،إنتى باين عليكى من العصر الحجرى زى الأغانى اللى بتسمعيها
عندها تصرخ روحى آهه كبيرة جدا
فهذه إحدى زميلات عملى الجديد
***
و إنا لله و إنا راجعون
فقد أخبرتنى الزميلة إن ديناصورات العصر الحجرى من أمثالى قد ماتوا من زمن و إننى لم أدر بموعد الجنازة

Saturday, December 8, 2007

حبة حاجات



أنا مش أنا ..اللى كنت زمان

حبة حاجات أصبحت بيلمها الفستان

الصبح بجمعنى و بنزل .. زهقانة

للشارع الزهقان

و بالليل

برجع أفككها و أرميها

حبة حاجات مش منى

ولا .. أنا فيها

حبة حاجات أصبحت

فاقدة معانيها

زى الساعات متاخدة بجرى جوه نظام

ماشية و مش حاسة

و لسه .. زى العيال الهبل

بحلم بطاقية الإخفا

نفسى فى حاجة تسرقنى


من خوفى


و من قلقى


تاخدنى لفوق


أفك عن قلبى


و عن جسمى و روحى الطوق

أرقص بحرية

***
النص للشاعرة / كوثر مصطفى