Saturday, December 8, 2007

حبة حاجات



أنا مش أنا ..اللى كنت زمان

حبة حاجات أصبحت بيلمها الفستان

الصبح بجمعنى و بنزل .. زهقانة

للشارع الزهقان

و بالليل

برجع أفككها و أرميها

حبة حاجات مش منى

ولا .. أنا فيها

حبة حاجات أصبحت

فاقدة معانيها

زى الساعات متاخدة بجرى جوه نظام

ماشية و مش حاسة

و لسه .. زى العيال الهبل

بحلم بطاقية الإخفا

نفسى فى حاجة تسرقنى


من خوفى


و من قلقى


تاخدنى لفوق


أفك عن قلبى


و عن جسمى و روحى الطوق

أرقص بحرية

***
النص للشاعرة / كوثر مصطفى

1 comment:

Anonymous said...

السلام عليكم ريم
ازيك ؟
فاكراني ؟ .
طيب على العموم أنا واحد من مكان مجنون اسمه الساحر , أو الواعظ الديني , أو أي شيء تاني ..

المهم , قصيدة حلوة فعلا , لما بأت أقراها قلت : والله ريم طلعت بنت تمام أهو و بتكتب حاجات رائعة , في الآخر , يلا , المهم هي جميلة فعلا و أنا سعيد أكون أول من يرد عليها
شكرا ليكي ..
الساحر..
بقولك صحيح أحسن شكلي مش هاعرف اعمل تسجيل هنا مش عارف ليه ..
أنا عامل مدونة جديدة , بس اول مرة أجرب البتاع الغريب ده , اتمنى تعجبك ..
http://tagsdat.wordpress.com/
يلا سلام , هأبقى أكمل قراية المدونة بكرة عشان دلوقتي فنشت خالص ..
الساحر..