Thursday, October 4, 2007

الشهر العاشر


و تهل نسائم الشهر العاشر


بينى و بين " أكتوبر " شئ خاص جدا .. علاقة حميمة جدا



بينى و بين " أكتوبر " أسفار لا تحزم الحقائب ، زمن لا يعاش ، و أشعار تكسر القواعد



بينى و بين " أكتوبر " دهشة لم يعرفها الفلاسفة



بينى و بين " أكتوبر " ابتسامات مترددة ، بينا على الدوام ألحان مهاجرة



و تهل نسائم الشهر العاشر



أنتظر " أكتوبر " انتظار عطش يائس لمواسم المطر ، انتظار الفنانة لإلهام أطال الدلال و العناد



و تهل نسائم الشهر العاشر



يعرف " أكتوبر " كيف يعزف على الوتر الحساس فتنساب فى الأفق أنشودة النسيان ، أنسى كيف تخدش إنسانيتى ، و كيف الحلم عزيز المنال . يعرف " أكتوبر " كيف لا يبقى فى الذاكرة إلا نصف الكوب الممتلئ



و تهل نسائم الشهر العاشر



يسألنى " أكتوبر " ألف سؤال



أين القهوة ، و أين الأنغام ؟ أين سطور الحكمة ؟ أين القلم الأسود و آخر كتاب ؟ أين رشاقة القوام ؟ أين مذكرات الشهور التسع الماضية ؟ أين قراءة منتصف الليل ؟ أين راحة البال ؟ أين تأمل " النيل " وقت الغروب ؟ و أين الحوار مع " الشمس " وقت الشروق ؟ أين البكاء الفرح برحيل التحسر ؟



يجلس " أكتوبر : على مقعده المعهود ، يتمدد ، يشرد ، يتنهد ، ينتظر للألف سؤال جوابا لا يعطل فى الكون مجئ الخريف


يشرب " أكتوبر " الدهشة و كوب العصير . ينتظر . طال الانتظار. و أنا لا أجيب . يعيد الألف سؤال ، و بدورى أعيد الصمت، ذادى الوحيد


يفتح " أكتوبر " باب الزمان


ياتفت مرة أخيرة إلى المكان . يبعثر رائحته فى الأركان ، يرسم لوحة خريفية بكل الألوان ، يلقينى بنظرة لها ألف احتمال .. و يتركنى وحيدة


أعرف أنى مقصرة فى واجب إستضافته . أعرف أنه راحل دون كلمة وداع . و أعرف أنى سأظل أنتظره انتظار عطش يائس لمواسم المطر ، انتظار الفنانة لإلهام أطال الدلال و العناد



***


النص بتصرف / للكاتبة منى حلمى










11 comments:

Reem said...

النص السابق للكاتبة / منى حلمى
و منى من القلة التى آثرت فى تكوين شخصيتى على كل المستويات

هذا النص تحديدا ارتبطبت به لفترة طويلة جدا من فترات حياتى

النص يعبر ( فى بدايته تحديدا ) عن مدى ارتباطى بشهر أكتوبر ( شهر ميلادى )و مدى تأثرى به و مدى تأثيره على شخصيتى

ربما الجزء المتقدم فى النص لا يعبر عن حالى فى الوقت الراهن و لكنى آثرت نشر النص كاملا كى لا أشوه من جمالياته الفنية أو انتقص من قيمته الأدبية


***
Enjoy it .

Ihab the 2nd said...

صباح الخير
النهاردة يوم الاحد .. يوم اجازة و حسيت اني عايز اجي اتكلم هنا في مدونتك
اكتوبر .. شهر له مكانة خاصة لدي .. يمكن اول ما اتي اكتوبر اصبح المسمي الحاص بي في منتدي روايات " و اخيرا ً اكتوبر " .. اشعر ان هذا الشهر يجمع في اجوائه بفصول السنة الاربعة , في يوم تجدين الحر و ثاني الشتاء و في ثالث الخريف و في رابع الربيع
اريد ان استرسل و لكني اخوض الان مناقشة ناجحة حول امرا ما يخص بيتنا المشترك
و كل اكتوبر و انت طيبة يا غالية

Anonymous said...

..صباح الفل

أنا بصراحة جى دلوقتى بس أقولك كل سنة و أنتى طيبة و سعيدة على طول يارب

المدونة ممتعة و الصور تحفة و أنتى نقية
و جميلة أوى من جوه كالعادة :)




محمد/اللى هو نيولايف

Reem said...

ريم


و النبى عسل


***

إيهاب

كل أكتوبر و أنت معى

كل أكتوبر و أنت لى


حتى آخر العمر


***

محمد

كل سنة و إنت طيب على طول

متشكرة قوى على رأيك فى و فى المدونة و الصور

بجد متشكرة

hanan said...

هاااااى ريم
كل سنة و إنت طيبة
و ألف مبروك لكى و لايهاب
سورى متاخر بس انا لسة مكتشفة المدونة دى امبارح بس
و بجد اسغربت موووووت من كل حاجة لان كل الكلام فيه حاجة منى
اسغربت قوىىى كل المشتركات الى بيننا يمكن لانى برده بحيا ثلاثية القلق و الخوف و الحزن اللامبرر مما يمنعنى من الأستمتاع بأى شىء
نشترك سويا فى الميول و الرغبات حتى الياس الطاغى على كل شىء حتى عشقنا المشترك للشتاء و الفنانون و حتى كلمات الاعلان التى طالما حفظتها عن ظهر قلب و دونتها مرارا " جالاكسى " نشترك فى حب الذات و الثقة المفرطة فيها نشترك فى الحساسية المفرطة تجاه أى شىء نشترك فى الشعور الداااااااااائم بالوحدة فى
عز كل الناس
نشترك فى اقتناعنا بأن سر عذابنا نفسنا التى تستعصى على العلاج نشترك فى كمية لا محدودة من الأمراض النفسية العصرية
و التطرف النفسى الداااائم
و أخيرا فى عشق شهر أكتوبر العزيز مما جعلنى
أوقن أنك قطعا من مواليد برجى - برج العقرب
إلى أن تأكدت من هذا
و لكن هل كتب على مواليد هذا البرج الحياة دوما دون راحة بال تحت ضغط كل شىء لا يضغط
أرجو أن أحظى بصداقتك التى سأستفيد منها كثيراً
و ألف مبروك مرة تانية
و لكن أرجو منكى عدم الحديث الدائم عن الحب و الوفاق الذى ملأ حياتك على الملاأ هكذا لأن مش كل الناس نفوسها
حلوة
ربنا يجعل أيامك كلها خير و حب و رضا و اطمئنان و راحة بال
دمت لها يا ايهاب

hanan said...

هاااااااى ريم متشكرة جدا ً على الهدية وعلى الكومنت اتبسط قوى من صدى كلماتى
و فرحت قوى بتشريف قلمك اللى بعشقه و بحترمه فى البلوج الصغيرة بتاعتى
كلماتك اثرت فيا قوى و حاسة بصدقها مش بس لأنك مريتى بنفس الوقت و الأطوار النفسية دى بس لأنك اكيد فاهمة التقلبات و الانغلاق الذاتى اللى بتكلم عنهم ارجو لكى السعادة دايما و الذرية الصالحة .
و ارجو منكى عدم التوقف و لو قليلا ً فالكثير ينتظرون كلماتك
و اشكرك بشدة مرة تانية

Reem said...

نانو

مش هاعرف أقولك أكتر من متشكرة على الرقة دى

متشكرة على الردود دى

متشكرة على الصداقة دى

sara yousif said...

ايه ده.. المدونة دى مش كانت مقفولة فترة؟
.. بس انا فرحت لما لاقيتها.
انا قلت يا هبة نويتى تعمليها برايفت انتى وايهاب وبس :) وحقك يابنتى طبعا..
مبروك يا حبيبتى.. ومبروك لايهاب..
كنتوا تتحسدوا يوميها..
ربنا يباركلكم دايما يارب..
شهر اكتوبر؟
متولدتش فيه.. مع انى بموت فيه..بحبه يمكن اكتر من الشهر اللى اتولدت فيه..
منى حلمى؟
رائعة.. بختلف معاها فى افكارها.. لكن ككاتبة قصصية؟ تجنن.. قريتى اوراق الخريف؟
منى بتعرف تتكلم كويس قوى بالنيابة عن اى ست.. وبتوصف كويس قوى الراجل اللى تتمناه اى ست..
لو عندك حاجات ليها ابقى انشريها يا قمر..
ومبروك تانى يا جميلة..

هاى هوبس سابقا
:)

Reem said...

سارة

ربنا يفرحك و يسعدك على طول يا رب

آه سارة كانت مقفولة بس مش بقت خلاص رجعنا تحت الشمس تانى

تعرفى فرحنا قوى بوجودك معانا يوم الفرح

و يا رب نقدر نرد لك السعادة اللى حسستينا بيها يوم فرحك

إن شاء الله

إنتى كمان من عشاق أكتوبر ؟

رائع

كده بقى ممكن نعمل جمعية و نسميها جمعية عشاق أكتوبر

على فكرة أنا متفقة معاكى تماما فى رأيك بخصوص منى حلمى

قصصها رائعة

لكن آرائها و أفكارها الإجتماعية مش على نفس المستوى

قريت لمنى كتير لأنى عندى ليها حوالى 3 مجموعات قصصية و إن شاء الله أنشر منهم تانى

ليها هنا فى المدونة قصة فنجان من الغيب المحوج

قريتيها ؟

لو مش قريتيها إرجعى للأرشيف هاتلاقيها منشورة فى شهر مارس

أنا واثقة إنها هاتعجبك


و قريب هافاجأك بنورا أمين

كاتبة رهيبة من العيار التقيل

و ابقى قولى رأيك

متشكرة قوى يا سارة على مرورك

متشكرة على كل اللى بينا

sara yousif said...

وانا كمان ربنا يعلم.. فرحت بيكوا انتوا الاتنين قد ايه.. وبتمنالكوا الخير دايما.. ماشاء الله يا هبة.. ربنا يحميكوا ويخليكوا لبعض دايما.. لأنك انتى من أنقى الناس اللى شفتها.. وايهاب من اكتر الناس المحترمة والاخلاق اللى شفتها..
تستاهلو بعض.. :)
مقرتش يا حبيبتى لسه.. هقراها طبعا دلوقتى.. انا دايخة من زمان على مجموعات قصصية ليها.. كان عندى واحدة وضاعت منى للأسف.. قوليلى الاقيهم فين..؟
نورا امين.. اسم جديد..ماشى يا ستى.. انا اصلا بشجع الكاتبات النسائية بشكل خاص.. :)
اشوفك على خير باذن الله..
:)

hanan said...

أيوه فعلاً أنا كمان معاكو فى الجمعية دى من فضلكم
و بعدين سورى يا ريم او هبة انا مش عارفة هو كان فرح و لا خطوبة و باركت على أساس الخطوبة بس
any way
ألف مبروك و ربنا يباركلكم فى بعض يارب
و فى أولادكم و يهديكم للخير دايما
و أنا معاكم كمان فى موضوع منى حلمى لأنى بعشق كتاباتها دايما لأنها أنثوية و حميمية فى مشاعرها جدااااا
بس فعلاً يا سارة هى أفكارها الغريبة و آرائها لا تتفق مع شرقيتنا خالص
و على فكرة لها مجموعة أكثر من رائعة بعتبرها كتابى المفضل بعنوان
" الحب مع مغامر مرتبك "
المجموعة دى رائعة موووووت أرجو إنكم تلاقوها و تقرأوها
سلام