Sunday, August 5, 2007

زوجى

كباقة زهر بيضاء .. أضم الكون لصدرى
و أبتهل إلى الله أن يديم هذه السعادة لقلبى
لا أعرف كيف ولا متى تسللت كل هذه السعادة لتملأ مفردات حياتى
و لكننى فجأة و بدون أن أدرى وجدت يديه الحانيتين تقودان خطواتى نحو مستقبل يبدو مشرقا و مضيئا
وجدته بجوارى حبيبا و زوجا
***
إيهاب
بارك الله لى فى عمرك و أدامك لى حبيبا و زوجا و أبا و أخا و سندا مدى العمر
***
إيهاب
أحبك

9 comments:

Anonymous said...

مش أنا قلت لك ياهبة
بارك الله لكما وبارك عليكما ياحبيبتى
وربنا يتم لكم بالخير يارب
و

عقباااااااالى يارب عقبااااااااالى


لولا
ست المرتفعات

Davinci said...

هههههههههههه
يعني أنا جاي أبارك .. ألاقي الست لولا قبلي عاملة فرح!
عقبالك إيه يا بنتي؟.. المفروض هي اللي تقول عقبالك مش انتي اللي تقوليها لنفسك!
طيب.. خلاص.. حقك عليا.. عقبالك ياا ستي.. وأنا مالي.. انتي اللي مش عارفة مصلحتك!!

مبارك يا ريم مرة تانية..
أنا باركت في التليفون ليكي ولإيهاب، لكن برضه لازم التهنئة توصل وتبقى مسجلة رسميا..
مبارك عليكما.. أنتما تستحقان بعضكما فعلا :)
أرجو أن أراكما قريبا إن شاء الله..
تحياتي..

fatma said...

يأحلي هبه ....ربنا يفرح قلبك يارب
ذلك القلب الحزين دوما...لطالما ذبت في حزنك واليوم اذوب في فرحك يا عزيزتي وكأن الفرح لي ...والحب لي والهدوء والسعاده لي ....أخيرا
.....
اه يا العزيزة حبي لكي وتمني الخير وتحياتي لذلك الفارس الذي اقتنص ذلك القلب وبنا بداخله قلعته المنيعة
باحبك يا هبه

الديليكون said...

مبروك يا هبة
ومبروك لإيهاب
ملقيتش مناسبة ارد بيها في مدونتك اللي مبعرفش ارد فيها دي غير المناسبة دي

يالا ألف مبروك مرة تانية
وعقبالي انا كمان يارب
هههههههههه

محمد عبد السميع
الطائر الجريح
الديليكون

Yasser said...

معلش جت متأخر شوية

الف مليون مبروك

وعقبال الجميع ان شاء الله

ياسر خاطر

محمد النقيب said...

متأخرة أوي بس لسه عارف عن طريق مكالمة تليفونية من توفيق بالخبر الجميل ده .. ربنا يباركلكم وفيكم ويجعلكم سكن وراحة ومصدر سعادة لبعض ..
مبروك يا هبة , مبروك يا ايهاب :)

high hopes said...

كلامك جميل دايما يا هبة..
ماشاء الله.. ربنا يديم عليكوا السعادة يارب..
وعقبالى انا كمان على رأى لولو.. اشمعنى انا يعنى لا.. :)
ومالكش دعوى انت بالموضوع ده يا دافنشى.. بنات وفرحانه لبعضها.. انت زعلان ليه؟

Ihab the 2nd said...

مثلما تدور الكواكب حول شمسها
يدور عمري حول كيان امرأة
و اتوسل الي الله ان يديم علي ان اكون بجابنها العمر كله , ارعاها العمر كله
فلا اعرف دنيا بلا هبه و لا اعرف مأوي الا هي
وسط الظلام الدامس الذي خيم علي حياتي ربع قرن من الزمن ظهرت بقعة نور لكي تأخذ يدي و تخرجني من التيه بعد سنوات من المكوث في صومعتي الادبية منعزلا ً عن البشر المؤلمين .. البشر بكل غبائهم .. البشر بكل ما يفعلون بنا من ملل و الم و حقد و غضب و جهل
وجدتها بجواري سندا و عكازا
وجدتها نعم الام و الاخت و الصديقة و الحبيبة و الخطيبة و الزوجة
بارك الله فيكي نعمة من عنده سوف اظل اصونها و احفظها و اشكره عليها العمر كله
هبه .. احبك

Nostalgia said...

أنا إزاي ما قلتش مبروك هنا لسه ..
ألف ألف ألف مبروك يا شباب ..
ربنا يوفقكم يا رب

وعقبالي .. إشمعنا انا يعني ما الناس الي قبلي عاملين فرح اهو :))))