Wednesday, June 27, 2007

بحلم


بحلم ببيت أبيض على البحر بتاخده بالحضن جنينه خضرا
بتدخله الشمس من كل مكان
فرشه أخضـر
بحلم ببيتي أبيض فى أخضر نايم فى حضن السما و البحر
***
بحلم برحلة بحرية طويلة
سفينة أركبها و ألف موانى البحر المتوسط كلها
أبدأ من إسكندرية و أوصل لبيروت و منها لتركيا و منها لليونان
و من اليونان لإيطاليا و منها لفرنسا و بعدها أسبانيا
أنزل منها على المغرب و أرجع تانى إسكندرية
و فى كل مينا أنزل 3 أيام
بس
***
بحلم أسافر فرنسا و أعيش هناك شهر
أدخل اللوفر و أطلع برج إيفل
أروح المونمارتر و سان ميشيـل
و أتمشى فى الشانزلزيه
***
بحلم أسافر سويسرا فى الشتا
و أشوف التلج فى سان موريتـز
و كمان أتزحلق عليه
***
بحلم أروح ديزنى لاند
و ألعب مع كل الشخصيات الكارتون اللى ظهرت فى الأفلام
و ألبس لبس سندريلا و أتصور بيه
***
بحلم بيوم فى البحر
أنزل الميه و أرجع تانى سمكة
أرفع من على روحى سنين من الغبار و اللزوجة
بحلم يحتوينى البحر و أنام على صدره
***
بحلم ربنا يرضى عنى و أموت و أنا ساجدة بين إيديه
لكن لو ربنا مش رضى عنى للدرجة دى
أتمنى أموت على صدر راجل بحبه

2 comments:

Ihab the 2nd said...

تدوينك الاخيرة تلك كانت بالنسبة لي اشبه بــ لحن موسيقي ناعم تسلل الي اذني لكي يداعب روحي ..
ايوا كدا
نفضي المزيد و المزيد عن الغبار و طبقات النسيان عن احلامك
عن شخصيتك
فاكرة مرة في مشاركة ليا هنا قلت لك تعالي نعبر المرحلة دي لشاطئ ترضيه
الحمد لله
كل احلامك باذن الله تعالي هتتحقق
ارجعي احلمي
انسي الفترة المزعجة اللي فاتت
انسي الوجوه المزعجة
انسي الشخصيات المزعجة التي دخلت حياتك
شكلي ذاكرتك بالشكل الذي يرضيك
اختاري ما يناسبك لكي تكون تلك هي حياتك
سعيد لكي جدا جدا .. سعيد لــ اسباب اخري كثيرة قلتها لك .. سعيد لانك تستحقين ان تكوني ما عليه الان ..
خلاص انا كلامي خلص النهاردة .. تمددي في نومك و احلمي
احلام سعيدة
ايهاب

fatma said...

عزيزتي وحشتيييييييييييييييييييييييني أوي عامله ايه ؟؟
فاطمة