Monday, June 11, 2007

خوف

فى عز فرحتنا دايما نلاقى الخوف
واقف فى سكتنا
مشتاق لنا و ملهوف
كأننا واحشينه
مع إننا عايشينه
خوف خلانا و إحنا مغمضين .. بنشوف
لا عمره خلى لقلب يفرح فرحه بجد
ولا عمره خلى حد يطمن لحد
كأننا واحشينه
مع إننا عايشينه
خوف خلانا و إحنا مغمضين .. بنشوف
***
ياما حاولنا و كان نفسنا
ننسى روحنا .. نسيب نفسنا
بس تملى بيفوقنا شعور بالخوف
لا عمره خلى لقلب يفرح فرحه بجد
ولا عمره خلى حد يطمن لحد
كأننا واحشينه
مع إننا عايشينه
أغنية خوف
من فيلم قص و لزق
كلمات بهاء الدين محمد
غناء هدى عمار

6 comments:

Anonymous said...

عارفة لما تسمعى فجأة أغنية بصوتك و بأفكارك و بإحساسك.. هدى عمار.. أحسن واحدة بتلبس الكلام صوتها..

شكرًا على الصورة الجميلة، و أنا موجود على طول بالمناسبة بس النظرية إنى لسه مخلص إمتحانات إمبااااااااااارح !

أنتى إزيك بقى :)

Anonymous said...

يادى النيلة !!

دايمًا أنسى أقول إنى محمد نيولايف :D

Ihab the 2nd said...

طبعا فيلم قص و لزق من الافلام الممتعة التي رايتها خلال الفترة الماضية
عموما بعيدا عن الفيلم الاغنية رائعة و معبرة .. تعبر مثل الفيلم عن حالة يعيشها الجيل عموما
لو طلبوامني ان اضع لــ الاغنية اسم بدون ان التزم بقواعد العالم الغنائي سوف اختار كلمتين
" الجيل خائف "

Reem said...

محمد

أنا كويسة الحمد لله

و حمد الله عى سلامتك بعد الامتحانات

هدى فعلا رائعة و الأغنية أروع

أتمنى تكون شفتها و حاول كمان تشوف الفيلم


هايعجبك جدا


و خليك دايما بالجو

***

إيهاب

إنت كمان شفت الفيلم ؟

هو فعلا فيم رائع

و تعليقك على الفيلم و الأغنية فعلا سليم

إحنا جيل الخوف يا إيهاب

بنخاف من بعض

بنخاف من الدنيا

بنخاف من المستقبل

بنخاف من نفسنا

كل الخوف ده لأننا توقوقعنا جوه نفسنا جدا و فقدنا لغة التواصل

يعنى بنخاف من نفسنا لأنا بنخاف على نفسنا

شفت الأزمة ؟

تحياتى

عمرو عز الدين said...

أغنية بتفطر قلبى كل ما بأسمعها.. إحم.. مش بتفطّر قلبى..

سمعتها فى السايبر و كنت لوحدى و الدنيا ليل.. دمعت و كان حالى يصعب على الصهيونى

صوت هدى عمار معبر جدًا.. و لحن الأغنية فوق الرائع خاصة فى مقطع:

لا عمره خلى القلب يفرح فرحة بجد

فعلا.. الخوف عمره ما خلى حد يفرح فرحة بجد..

مدونتك جميلة يا ريم، و شكرًا على الزيارة الجميلة

Reem said...

عمرو


الأغنية فعلا أكتر من رائعة و بتعبر عن حالنا بشدة

و كنت عايزاك تبعتهالى على الميل لأنها مش عندى

أعتقد انك مش هاتبخل على بيها

و طبعا متشكرة جدا على الرد