Thursday, April 12, 2007

مع حبيبى




البحر
و الساعة خمسة الفجر
و إسكندرية أروع من أى مكان فى الكون
و إيدى فى إيد حبيبى
و بنجرى

***

البحر
و الساعة خمسة الفجر
و السما مفتوحة على الدنيا
و آخر نجمة لسه بتلمع هناك
و إيدى فى إيد حبيبى
و بنجرى

***

البحر
و الساعة خمسة الفجر
الشمس لسه هاتشرق
بس شمس قلبى شرقت من زمان
حبيته
و سلمت إيدى لإيده
و بنجرى

***

بحب إسكندرية
و حبيته
ياه لما يبقى الحب ملو المكان و الزمان
تحب المكان فتحب سكانه
و تحب الناس فتحب مكانهم
و يستمر حبك
و يملا المكان و الزمان

***

طول عمرى كنت بقفل بوابات روحى فى وش أى غريب
بس خلاص
اتفتحت بوابات الروح
و ما عاد فى غريب

***

البحر
و الساعة سبعة الصبح
شمس جديدة
نهار جديد
يوم جديد
مدينة جديدة
و إيدى فى إيد حبيبى
و مش هانجرى
هانعيش على طول سوا

4 comments:

Anonymous said...

أنا هنا..

و بجد.. بجد..


"الحب هو أن تستعيد ذاكرتك المنسية فجأة فتطالع فيها إحساسك !"

يا بختك...

Anonymous said...

أنا New Life عشان نسيت أقول كده فوق !





محمد

Reem said...

أنا سعيدة سعادة ماتتوصفش عشان أخيرا شفتك هنا

ربنا يخيل ليه و مايحرمنى أبدا من طلتك على مدونتى

يااااااااااااااه

أخيرا محمد بلتاجى

يا أهلا بالمعارك

Ihab the 2nd said...

مش ممكن يا نيو لايف
انت تصف ما حدث لي بالفعل
الحب هو أن تستعيد ذاكرتك المنسية فجأة
معذرة يا هبة و لكني لن اعلق علي تدوينك ( وجه يخرج لسانه ) و لكني كنت اعلق علي رد نيو لايف ( وجه ضاحك )
ايهاب