Thursday, February 22, 2007

شمعة تنير طريقى




أنا عارفة نفسى

أكتر حد فى الدنيا دى ممكن يجيله إحباط

أو يدخل فى نوبات إكتئاب طويلة و متكررة

و مالهاش مبرر

عشان كده بعامل نفسى معاملة خاصة جدا

بحب أخرج كتير و أروح الأماكن اللى بحبها

بحب كتير أشتريلى لعب و هدايا

يمكن مجرد هدية صغيرة و معاها كارت أمور

ترفع كتير من روحى المعنوية

***

حاجة غريبة إن حد يشترى لنفسه هدية و كارت

بس ليه لأ ؟

مش الواحد لما بيحب حد و بيحب يفرحه بيشترى له هدية

أنا كمان بحبنى و بحب أفرحنى و بشترى لى هدايا

***

من المبدأ ده خرجت أول امبارح

مشيت كتير مع توتى صاحبتى

و قضينا وقت كويس

و اشتريت لنفسى شمعة جميلة هدية

و معاها كارت كمان

***

إلىِ أنا

كى لا أخاف ولا أبتئس

شمعة تنير طريقى

No comments: